Home HEMÛ NIVÎSŞEHÎD ‘Çiyayên azad fîlozof û fermandarê xwe yê mezin ji dest da’

‘Çiyayên azad fîlozof û fermandarê xwe yê mezin ji dest da’

by rcadmin

Malbata Nazlikûl: Em di wê baweriyê de ne ku ne bi girî, lê belê bi têkoşînê û cihgirtina li nava refên têkoşîna azadiyê wê dilsoziya bi hevrê Kasim û têkoşîna wî bê nîşandan.

ANF

Malbata Nazlikûl, têkildarî şehadeta Kasim Engîn (Îsmaîl Nazlikûl) daxuyaniyek weşand.

Daxuyanî wiha ye:

“Endamê Komîteya Navendî ya PKK’ê hevrê Kasim Engîn neferiya xwe ya 35 salan a li nava têkoşîna azadiyê ya Kurdistanê bi şehadetê tacîdar kir; bû milîtanekî bêrawestan, fermandarekî bêsekn, Kurdekî ku xwe gihand bereketa welatê xwe û mîrateya şoreşgeriyeke mezin a Kurdbûnê li pey xwe hişt. Serbilindahiya kar, hilberîn û parvekirina bêdawî bi rûmeta xwe ji şopdarên xwe re hişt.

EWLADÊ GELÊ KURDISTANÊ

Vegotina Kasim Engîn/Celal ji bo me gelekî zehmet e. Kasim Engîn jiyana xwe diyarî Kurdistaneke azad kir, xwest vê yekê bi xwe bijî, ev yek ne bi gotinê her wiha bi jiyan û pratîka xwe nîşan da û di nava temenê xwe yê 54 salan de 35 sal bi têkoşînê derbas kir. Lewma em ji bo wî bêjin ku tenê ewladê me bû, wê ev yek neheqiyek li wî û li gelê Kurdistanê be. Bi dîtina me, ya rast ew e ku ew weke ewladê gelê Kurdistanê bê dîtin.

Ji ber vê yekê, ya herî rast ew e ku hevrêyên wî qala wî, xalê wî yê şehîd Mehmet Dîrlîk, Erdal (Engîn Sîncer û Mûstafa Yondem), Nûcan û Sabriyan û şehîdên Başûrrojava bike.

BAWERIYA XWE BI WÊ YEKÊ ANÎ KU SOSYALÎZMA DEMOKRATÎK DI XETA RÊBER APO DE DIKARE PÊK WERE

Hevrê Kasim di fikir de dewlemend bû, di jiyanê de dilnizm bû, bi vê kesayetiya xwe temsîla kesayetê pêşeng ê sosyalîst dikir. Reel sosyalîzm ji nêz ve nas kir, analîz kir û baweriya xwe bi wê yekê anî ku sosyalîzma demokratîk tenê bi xeta Rêber Apo dikare pêk were. Bi vê baweriyê meşiya, bi vê baweriyê xwe azad kir û têkoşiya. Bi jîrbûna xwe, bi ked, uslûba xwe ya heneko, bi zindîbûn û afirîneriyê her tim di nava hevalên xwe de bû yekî ku lê dihate gerî. Hevrê Kasim li her atmosferê rewşeke pozîtîf diafirand, ti carî nedigot ‘nabe’. Zanîbû ku dîroka PKK’ê ‘dîroka avakirinê’ ya di şert û mercên zehmet de ye û ev yek dianî ziman, ji me re vedigot ku danheviya me ya dîrokî ji bo me mîrateyeke gelekî dewlmeend e. Pê piştrast bû ku têkoşîna azadiyê ya Kurdistanê wê bi ser bikeve. Hevrê Kasim ev yek her carê dianî ziman û digot, ‘Ji bilî berxwedan û têkoşînê rêyeke me ya cuda nîne, dijminên me di dema herî lawaz de ne, ya girîng ew e ku em têkoşînê bi rengekî rast xurt bikin, serketin a me ye’. Bi vî rengî helwesta ku li dijî dijminê qirker bê nîşandan destnîşan dikir.

BÛ YEK JI PÊŞENGÊN ME KU JI BO HEVRÊTIYA BI JINÊ RE GELEKÎ HEWL DA

Hevrê Kasim ku bi dînamîzma ciwantiyê heta dawiyê jiya, il ser bingeha paradîgmaya Rêbertî di xeta azadiya jinê de xwe ji nû ve afirand û gelekî hewl da ku bibe hevrêyê jinê, bi vî rengî bû yek ji pêşengên me. Hem bi serbilindî şandiî ji israra azadiyê, berxwedanê ya jinên Kurd re kir, hem jî têgihiştibû ku meşa li ser şopa fermandarên me yên mezin ên pêşeng ên jinê gava herî bingehîn a avakirina hevjiyana azad e. Li her qada ku lê bû li ser bingeha pîvana azadiya bi jinê re kar kir, hevrêtiyeke bi vî rengî ji xwe re kir esas, bi baweriya ku îradya jinê wê mêr azad bike tevlî bû û bû mînak ji hevrêyên xwe yên mêr re.

BI TEVLÎBÛNA LI NAVA TÊKOŞÎNA AZADIYÊ DILSOZIYA BI BÎRANÎNA HEVRÊ KASIM DIKAR BÊ NÎŞANDAN

Em di wê baweriyê de ne ku ne bi girî, lê belê bi têkoşînê û cihgirtina li nava refên têkoşîna azadiyê wê dilsoziya bi hevrê Kasim û têkoşîna wî bê nîşandan. Li ser vê bingehê em soz didin Rêbertî û gelê Kurdistanê

Bila serê gelê Kurdistanê û mirovahiya azadîparêz a berxwedêr sax be.”

NIVÎSÊN MÎNA VÎ