Gelek rê hene
ên dûz
ên xwar
ên bi kevir
û ên bi asteng
Hinek rê kin in û hinek jî dirêj
hinek hesan in
hinek jî bi êş in
Riya lez heye
û ya hêdî jî
Reya bê dawî
ber jor
û ber jêr
Riya te heye û riya min heye,
lê riya me jî heye
Keleka riya bêzar û
riya ku dihêje
riya ronakbûnê jî heye
Ji rê dûrketin
û ji rê derketin heye
lê riya derketinê jî li pêşiya me ye
Riyekî heye
riya kesk
riya girkî
riya xelasî
riyekî ku tavê himbêz dike
Rêçîk
Riyekî azadiyê
Riya te kîjan e?